Mizoram sawrkar hnuaiah hnathawktu mi 53,549 an awm

Mizoram News

Mizoram Legislative Assembly Budget Session neih zawh taka Finance Minister-in Budget a pharh (March 15, 2013) a statement a pharh tel (Statement on Salary & Employment Data) 2013-14 ah chuan Mizoram sawrkar hnuaiah hnathawktu mi 53549 an awm a. Heng zinga 42,272 te chu Non-Plan hnuaia hlawh la an ni a, mi 9,071 in Plan-ah hlawh la in, Centrally Sponsored Scheme (CSS) hrang hrang hnuaia hlawh la mi 2,206 an awm bawk. Mi 53,549 zingah hian Public Sector Undertakings (PSUs) hnuaia thawk mi 433 awmin heng mite hi Plan hnuaia hlawh pek vek an ni.

Department mala thawktu tam berna chu School Education Department a ni a, he Department hnuaiah hian hnathawktu mi 11,231 awmin, he Department hnuaiah vek hian Department-in a puih leh body hrang anga awm, Department in hlawh a pek si mi 2,205 zet an awm bawk a, hengte nena belhkhawm chuan School Education Department hnuaia hlawh la zawng zawng chu mi 13,256 zet an tling a, hei hi sorkar hnathawk zawng zawng 53,549 atangin za zelah 24.75 zet a ni.

School Education Department dawtah hian Home Department hnuaiah hnathawk-tu mi 1,1826 awmin heng zinga 1,1783 chuan Non-Plan atangin hlawh an la a, Plan hnuaia hlawh la mi 43 chauh an awm. Department malkhaia thawktu mi 1,000 chuang awmna te chu Health & Family Welfare; Public Works Department; Power & Electricity Department; Higher & Technical Education Department; Secretariat Administration Department; Environment & Forest Department leh Public Health Engineering Department te an ni.

Mizoram sorkar hnuaiah hian Department mal 48 awmin Public Sector Undertakings (PSU) 6 (ZIDCO, MIFCO, KVI, ZOHANCO, MAMCO leh ZENICS) a awm a, Aided Institution & Bodies 7 awmin heng zingah hian Chakma Autonomous District Council (CADC), Lai Autonomous Dist. Council (LADC) leh Mara Autonomous District Council (MADC) te an awm bawk. CADC hnuaiah hian hnathawktu 1,442 awmin LADC hnuaiah 2,399 leh MADC hnuaiah 2,341 an awm tih tarlan a ni.Department mala hna-thawktu tlemna ber chu Parliamentary Affairs Department niin mi 9 chiah awm anga tarlan a ni a, Department pakhata thawktu 50 aia tlem awmna hi Department 4 – ICT (28), Council of Ministers (27), DP&AR (9) leh DM&R (27) te an ni. Aided Institution & Bodies hnuaiah Sports Council (48), Youth Commission (8), UD&PA (29) leh AMC (34) an awm.Mizoram sawrkarin Plan hnuaia hnathawktu post a neih zat hi a vaiin 63,463 a ni a, heng zingah hian post 9,914 hnaruak a la awm.

Hnathawktu 1000 aia tam awmna Department:

SAD (NP) 1274
Home (NP-11783, P-43) 11826
H&TE (NP-449, P-572) 1021
Health & FW (NP-2993,P-516,CSS-244)3753
PHE (NP-840,P-162) 1002
Environment & Forest (NP-998,P-7)1005
Power & Electricity (NP-1736,P-88)1824
PWD (NP-1605,P-290) 1895
School Edn. (NP-6897,P-2748,CSS-1305)10950
SCERT (NP-87,P-2, CSS-144) 233
DIET (NP-21, CSS-27) 48
Aided Institution & Bodies
School Education (NP-90,P-1935)2025
(Source:Zalen)

Leave a Reply

This site uses Akismet to reduce spam. Learn how your comment data is processed.