Zothlifim Logo
Loading ...
Inrinnia MNF Core Committee leh Political Affairs Committee Mizo Hnam
Run-a thukhawm chuan Chief Minister Lal Thanhawla te nupa chu bati
chhia vai pathiam ban sawm nei hmaa kun ta mai nia sawiin pawi an tih
thu leh Pathian phatsanna leh pawisawinaah an ngai a, hemi vang hian
May thla chhung-in Milem biak duh lohna kawngzawh neih nise an ti.

He meeting-ah hian Chalhfilh Constitueny Bye-Election thlir letna te,
Chakma Autonomus Council in thlanna Ni 17.4.2013 a neih tur atana in
buatsaihna tulte leh Mizoram Political Development chi hrang hrang an
thlir ho a. CADC inthlanna neih tura Borapansuri Police O.C-in ni
11.4.13 (Ninga) zan a Congress Candidate Campaigner-te motor hmanga Zu
rui chung a, MNF Candidate Gokul Chandra Chakma nupui Jally Chakma
Pistol-a tina a vau ta mai nia sawiin thalo an tih thu leh hriatthiam
harsa an tih thu an sawi a, he thil thlengah hian action la ngei turin
an phut bawk.