Zirtirtu an awmna hmun tura awm duhlo beih zel tum
MZP Headquarters Biate chuan an bial chhunga zirtirtu indaihlohna phuhruk tura sawrkarin zirtirtu a sawn kualte an awmna hmun tura ruat thara awm duh lo te chu an awm ngei theihna’n an bei zel dawn tih an sawi.
MZP Headquarters Biate hian thuchhuah siamin Mizoram sawrkarin zirna in hrang hrang, a bikin High School Science Teacher indaihlohna semrualna a neih-ah MZP Hqrs. Biate huamchhunga Sialhawk Govt. High School a thawk turin Govt. Khawlailung High School zirtirtu pakhat chu tih a ni a, mahse, hian he thupek hi a zawm duh lova. Govt. Khawlailung High School-a thawk lai zirtirtu pakhat chu Sialhawk High School-a thawk tur hian order chhuah leh a ni a. Mahse he zirtirtu hian tun thlengin Sialhawk Govt. High School-ah hian a zawm duh lo hi MZP Hqrs. Biate chuan an dem tak zet tih an sawi.
Govt. Eastern High School Biate a thawk tura nikum November ni 17-a Sialhawk Govt. High School atanga dah zirtirtu pakhat pawh kumin April ni 1 khan Sialhawk Govt. High School a thawk leh turin thupek chhuah leh nia sawiin MZP Hqrs. Biate chuan hriatthiam harsa an tih thu an tarlang a. He thupek hi a rang lama sut leh tur leh a hma-a awm tura tih te ngei an awm hi an phut tlat tih sawiin hei hi tih hlawhtlin anih ngei theihna’n MZP Hqrs. Biate chuan a tawp thlengin an dodal zel dawn tih an tarlang.