CYMA-in ram dang mi chhuak tura a tih huntiam a tawp

Central YMA in Phun-chawng leh Rangvamuala ram dang mi dan lova awm leh zu zuarte chhuak tura a tih hun chu nimin khan a tawp a, nimin thleng khan Rangvamualah chhungkaw 33 te an chhuak fel tawh tih Rangva-mual Local council chairman Pu Zoramsiama chuan a sawi a. Rangvamual YMA leh Local Council te chuan Thawhlehni aṭang khan tumah Zu zawrh an phal tawh lo tih sawiin he-tianga lo zuar lui an awm a nih chuan YMA leh Local Council te chuan an chungthu a ngaihtuah dawn niin an sawi.

Rangvamualah hian mah-ni In luah chhungkaw zat chu 100 niin, Foreigner chhungkua 55 an awma India khua leh tui nihna nei chhungkua 304 niin Mihring awm zawng zawng zat chu 1464 niin Synod Social Front survey chuan a tarlang.

Phunchawng YMA Section Leader B.Dothanga sawi danin chhungkaw 94 chhuak tura beisei an ni a, ni 13 thleng khan chhungkaw 72 an chhuak tawh a, nimin leh niminpiah khan chhungkaw 22 in chhuah an tum niin a sawi a, Phun-chawngah hian mahni in luah chhungkua 107 an awm a chhung-kaw 317-in mi in an luah a, Forei-gner chhungkua 4 awmin India khua leh tui nihna nei 420 an awm a, Mihring 1831 awm angin Synod Socialfront Survey chuan a tarlang bawk.