Mizoram News

Kawng siamṭhat phut

East Tuipui bial chhunga Tuipuiral NGO Co-ordination Committee invuah ten Champhai Khawbung kaltlanga N.Vanlaiphai panna kawng siamṭhat an phut tih vawiin khan Aizawla thuthar thehdarhtute an hrilh a, helai kawng hi kum 20 chhung ngaihthah niin Alkatra pawh hmuh tur a awm mumal tawh lo a ni an ti.

Sawrkar kum liamta budget session ah Champhai aṭanga Khawbung kawng siam nan cheng Nuai 1010 leh Khawbung atanga Biate kawng siam nan Nuai 850 dah a ni tih sawilan anih hnuah sum a om leh loh thu hrilh an ni chuan a ti hrilhhai hle niin an sawi a ni.

Kawngpui a chhiat bakah an huamchhunga khaw hrang hrang School-ah zirtirtu indaihlohna a nasat thu an sawi bawk a, an harsatna sawrkara an thlen avanga zirtirtu 31 pek belh te chu kumin session tharah ban leh vek an ni tih sawiin kumin hian zirtirtu 1 chauh awmna School 5 awmin, zirtirtu 2 awmna School 15 leh 3 awmna School 9 a awm an ti a, hei bakah hian Tuipuiral huam chhung khaw 25 vil thei tur Police Station dah a an ngiat thu an sawi bawk.

An thilphut nawr nan hian hmalakna hrang hrang an duang tih an sawi a, Thawhṭanni aṭanga lungawilohna lantir nana khaw hrang hranga puan dum zarin awmzia a neih loh chuan chawnghei hial an inhuam tih an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram