Thawhṭanni aṭang khan Tupuiral khaw hrang hrang te chuan Kawngpui siamṭhat ngiatin chhungkaw tin ten Puandum an zar.
Tuipuiral khaw hrang hrangte chuan an huam chhûng hun rei tak ngaihthah a nih vang leh siam tuma ruahmanna lo awm tawh thinte pawh, Sorkarin a ngaih pawi mawh thin loh avangin sorkar lakah an lungawi lohna lantirin, Tuipuirâl khaw hrang hrangah chhungkaw tinte’n puan dum an zâr a, thu leh awm hma chuan puandum hi tunkar chhung an zâr dawn a ni.
Tuipuiral NGO te hian kum 15 chuang zet Champhai to Biate kawng chu siam mumal a awm loh thu tarlangin, Asian Development Bank atanga siam tur Priority list-a No 1 a awm tawh chu hmun danga thlâk thleng a niin tunah hian No.3 ah dah thlâk a ni leh vângte, tunhnaia ruahman thar – Biate to Khawbung Vaibelchhe 8, Champhai to Khawbung Vaibel chhe 13.5 pawh chu rinngam harsa an tih tawh thute an tarlang a.
Tun fûr chhung pawha kawngkhuar zual lai hnawhkhahna turin sorkar chuan boulder a ranglama dah turin he lungawi lohnaah hian an nawr tel nghâl bawk.
An hmalâkna hian awmzia a neih loh chuan Chawngeia an lungawi lohna hi lantir chhun zawm an tum a, hemi hnu lamah hi chuan na taka hma lâk an tum tih an tarlang.