Chief Minister Pu Lal Thanhawla’n Mizoram Civil Service Officer te chu sawrkar neitu dik tak leh sawrkar innghahna ber an nih thu sawiin, an hna-thawhnaah kut tling leh felfai taka thawk turin a chah.
DP&AR leh Mizoram Civil Service Association tangkawp ina MCS te tan sawrkar ṭha siam tura hmalakna zirhonaWorkshop an buatsaih a hman-puinaah he thu hi sawiin Chief Minister chuan Workshop-ah NLUP chu an zirho tur bera chhawpchhuah a ni chu a lawmawm hle a ni a ti a. NLUP chu miretheite khaichhuahna tur hmanrua a nih piah lamah ramngaw siamna tur te, boruak tha, environment thianghlim siamna tur te anih bawk bakah tui hna hunhalhna tur leh ram pum economy siamna tur te a ni a ti a, central sorkar pawhin tha a tih thu leh United Nations Food and Agriculture Organisation pawh ina a hriatpui a nih thu a sawi a. USA a University of Minnesota mithiamte pawh ina an rawn zirchian a ni a ti.
Chief Minister chuan sorkar ngaipawimawh ber pathumte zingah hausa leh rethei inkar tih zima, mipui ten lei rem an rah a, khaw eng an hmuh hi kan duh ber pakhat a ni a ti a. Chumi atan chuan NLUP chu a hmanruaah hman a ni tih sawiin, a hlawhchham a thianglo a ni a ti.
He zirhona, chawhnua chhunzawm chu Education Minister Pu Lalsawta’n a hmanpui a, thusawiin, Sawrkar a ni emaw, Kohhran leh tlawmngai pawl a ni emaw inenkawlna, inkaihhruaina leh inthununna a pawimawh a, heng thil te hi neih thata, a mumal chuan an kalkawng a mam thei a, an hnathawhte pawh a hlawhtling zawk thei a ni, a ti. Changkanna leh hmasawnna chungchang sawiin Pu Lalsawta chuan ram rethei te chuan an ram leilung hausakna an neih ang ang te an enkawl that loh avangin an ram a rethei thin a, ‘Ram enkawlna leh kaihruaina a that naah retheihna chu thil zahthlak a ni a, Ram enkawlna leh kaihruaina thalo ah chuan hausak a zahtlak’ tih lo sawi tu chuan a sawi dika a hriat thu leh tunlai khawvelah he thil hi ngaihtuah chian a tul hle a a hriat thu a sawi bawk a ni.