Mizoram News

Mamit-ah Telephone line chhe rei

Mamit khawpui chhunga BSNL Telephone Land line leh Internet Broadband te chu tun thla ni 5 aṭang khan hman theih lova a la chhiat reng avangin mi tam takin harsatna an tawh phah mek.

Thudawn danin Mamit khawpui chhunga BSNL telephone Exchange chu tun thla ni 5 khan Ṭek in a deng a, ṭek hian Telephone Land Line Card chu a deng chhia a, hemi avang hian Mamit khawpui chhunga Telephone land line chu chhe vek in, land line kal tlang a hman chi Fax leh Internet Broadband te pawh a hman theih loh a ni.Sorkar department hrang hrang te leh mi tam tak te chuan inbiakpawhna kawngah te, lehkha pawimawh hmanhmawh tlak Fax a thawn ngai-ah te harsatna an tawh phah nasa hle nia thudawn a ni.

BSNL a thawktute chuan Tek in a den chhiat Land line card Aizawl lama an siam that tir chu tunah an vuah mek thu leh a ṭhat vat an beisei thu an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram