Kuthnathawk, zirlai inhlawhfa duh leh thil dang nen kawpa a inhlawhfa duh te tan a Darkar bi anga inhlawhna siam a ni dawn a, hlawh chu darkar khat zelah `50/- aia tlem lo a ni dawn tih Labour & Employment Minister Pu Lalrinliana Sailo-in a sawi.
Nimin, Kut hnathawktute Ni, May day khan Aizawl Press Club-a thuthar lakhawm-tute hmaah he thu hi a puang a, Pu Lalrinliana Sailo chuan a darkar bi-a inhlawhna hi nimina hawn tura ruahman ni mahse a hawngtu tur Chief Minister Pu Lal Thanhawla a remchân rih loh avangin, hun a neih velah hawn \an a ni dawn tih a sawi a, a darkar bi a hnathawhna siam hian \halaite kawng dikah a hruai a, hna thawh phûrna thinlung puttir chu a tum ber a nih avangin Mizoram-a International Labour day thupui atan ‘Thatchhiatna Chhut hlum’ tih thlan a ni a ti.
Pu Lalrinliana Sailo chuan hmasawnna dik tak chuan in tin fairel bel a thleng tur a ni a ti a, he ruahmanna hi hmasawnna kal zelah milian leh mite inkar zau zel tizim tura hmalakna a ni tih sawiin, \halaite chuan kuthnathawh an thlauhthla mek a, nitin pocket money, top up leh thil dang mamawh si an nih avangin nu leh paah rei tak innghatin, an duhzawng hmuh nan nun kawng \halo dai ta mai te pawh an awm mek a ni a ti a, Mizoram chuan hnathawh zah neilo leh peihloh neilo \halai a mamawh takzet a ni a ti bawk.
Thuthar lakhawmtute kawmna ah hian, Labour & Employment Director Pu Rotluanga chuan a darkar bi a inhlawhfa duh te chu Labour & Employment office-ah tun thla ni 6 a\angin a inziahluh theih reng dawn tih a sawi a, hetih-rual hian inhlawhna neite pawhin an inhlawh-na tur neih te a thlen theih reng thu leh hemi pual Office biak pawhna tur Telephone Connection pawh buaipui mek ani tih sawiin, an hnathawh theih hun leh thiam zawng ang zelin rua-hmanna an lo siam sak tur thu a sawi a, hetihlai hian, kuthnathawktute ham\hatna Labour and Other Constructtion Workers Welfare Board hnuaiah tun thlengin mi 17,028 an inziak lut tawh tih a sawi a, an puala hman tur chhiah chhunluh chu cheng vaibelchhe 12 chuang a tling tawh tih sawiin, Shop and Other Establishment hnuaiah dawr leh sum siamna in 1500 vel ziahluh anih tawh thu an sawi bawk a ni.