State Level National Rural Health Mission (NRHM) hnathawh te thlir letna hun ni 4 chhung awh tur chu nimin aṭang khan Health Minister Pu Lalrinliana Sailo ho a neih a ni.
Nimin inkhawmah hian NRHM-in Mizoram pum huapa hnathawk ṭha a thlan chhuah te chawimawina hun hman a ni a, Best Performing Medical Officer-ah Dr.Isaac Lallawmsanga, MO, Buarpui PHC, Lunglei District thlan a ni a, Best Performing Community Health Officer/Health Supervisor-ah Pu Rochung-nunga, H/S, Aizawl, Aizawl West District, Best performing Health Worker(male)-ah Pu T.Ngokhaw, HW Rawmi-bawk, Saiha District, Best performing Health Worker (Female)-ah Pi Lalhlun-chhungi, HW(F), Saipum Sub-center, Kolasib District, Best performing ASHA-ah Pi PC.Thangmawii, ASHA, Sesawng, Aizawl East District te thlan an nih bakah Most improved/Best performing district ah Aizawl West District thlan a ni.
Report-a a landanin, Kum 2012-2013 chhung khan nu naupai Sub-Centre a in register mi 26,432-in report zingah zaa 92 in nau nei turin mi thiam an pan tih tarlan a ni a, kum kalta chhung vek khan nausen kum 1 hnuai lam thi 714 report a ni a, nu nau pai leh kaihhnawih vanga thi pawh mi 15 an awm bawk a ni.
He hun hmanpuitu Health Minister chuan mipui hriselna tura hnathawkte tan fuihna thu a sawi a ni.