Mizoram sawrkarin Govt Champhai College-a Zoology Department-a thawklai pakhat chu a aiawh dah tumna pawh awm lovin a sawnchhuak thut mai tih Champhai MZP chuan nimin khan thuchhuah siamin an sawi a, hei hi hriatthiam har an tih thu leh a aiawh dah anih loh chuan Champhai a chhuahsan an remti dawn lo tih an sawi.
Zoology Department-ah hian regular lecturer 3 awm mekin, tuna sawn chhuah tur hi hi Dr DN Harit a ni a, Champhai MZP sawi danin, Champhai mphai College-ah hian subject dangah pawh UGC-in a phut ang lecturer zât an awm mang ngailo a, hetih-laia an neihsa sawnchhuah tum a ni chu an remti dawnlo tih an sawi.
MZP chuan Mizoram sawrkarah zirtirtu indaihlohna chungchang chu vawi tam tak an thlen tawh ṭhin tih sawiin, an college chu Mizoram College pakhat anga sawrkarin a ngai ve a nih chuan Zirtawpni ral hma ngei khian Zoology Department chauh nilo, Botany, Mizo, History leh a dangah zirtirtu, college a pangngaia kal theihna tur tal pe turin an ngen tih an sawi bawk.