Mizoram News

CM-in Bawnghnute sawngbawlna tur lungphum phum

Chief Minister Pu Lal Thanhawla chuan nimin khan MULCO Complex, |huampui-ah NLUP Infrastructure Fund aṭanga Cheng nuai 36 chuang senga siam tur, bawnghnute sawngbawlna, Indigeneous Milk Product Manufacturing Plant lungphum a phum.

Chief Minister chuan MULCO-in hmasawnna rahbi thar a hmuh hi kuthnawthawktu, bawng vulhtute thawhrimna rah a ni, a ti a. NLUP hnuaia bawng vulh thlangtu ten a tir lamah harsatna an tawk chungin an thawhrimna avangin MULCO in hralh sen loh bawnghnute an dawng a, bawnghnute ngau ngau bakah thil dang chi hrang hrang siamna tur siam a rawn ni chho tur chu MULCO tan mai nilo, Mizoram pum tan malsawmna a ni a. Bawnghnute hi mihringte tan a that em avangin a dehchhuah tam leh tam lohah vantlang hriselna that dan tehfunga hman thin a nih thu a sawi a. NLUP hnuaia bawng vulh thlang tute chu district hqrs. a chenglo, hmun penhleh deuha awmte chuan a chaw chungchangah leh a vulh thuah an zolo deuh a hriat thu a sawi.

Khualzahawm NLUP Nodal Minister Pu H.Liansailova leh AH&Vety Minister Pu NK Chakma ten thu an sawi bawk a ni.

Bawnghnute sawngbawlna tur hi NLUP Infrastructure Fund aṭanga Rs.36,86,20,402/- senga sak tur a ni a. Nitin bawnghnute 5000 litres aṭangin thil chi hrang hrang flavoured milk, sterilised flavoured milk, dahi, lassi, ghee leh paneer te siam ṭhin a ni ang a. NLUP hnuaia bawng vulh thlangtu ten man man zawka bawnghnute an hralh theihna tur a ni.

He project hi MULCO enkawl tur a ni a, hnathawktute hlawh pawh a tum ang a, technical staff te chu Gujarata MIT Meshana-ah training tir an ni dawn bawk a ni. Civil construction leh khawl bun leh commissioning te chu India hmarchhaka tawnhriat ngak tak SS Service Ltd. in a tahtawlin an thawk ang a, kum 2013-2014 chhunga zawh hman beisei a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram