Cheng nuai 28 chuang senga sak BNRGSK Building hawng

Chief Minister Pu Lal Thanhawla chuan nimin khan Serchhip BDO office bul, P&E Vengah cheng nuai 28 chuang senga sak BNRGSK Block Hqrs building a hawng

3_1371811459Hawnna inkhawm building hawn tak halla neihah Chief Minister chuan building a hawn tak chu ṭha tak leh rintlaka sak a ni tih report a ni chu a lawmawm hle a ni a ti a. Sawrkar suma in sakte hi hnam rotling ni tura sak tur an ni a, chuvangin a sa tu ten rotling ngei turin an sa ṭhin tur a ni a ti. Building chu ṭangkai taka hmang ṭhin tura chahin, a hmangtute leh a neituten a vawnfai thuah mawh an phur a ni a ti a. Chief Minister chuan kan awmna apiang hi Pathianin a rawngbawl tura min dahna a ni a, chuvangin tui takin kan thawk tur a ni a, rinawmnate, taimakna te leh dikna ten a rawn zui ve mai dawn a ni a ti.

Chief Minister chuan Serchhip khawpui motor kawngpui ṭha taka siam a nih thuah a siam hna khawtlangin uluk taka vilna leh an ṭanrualna rah a ni tiin, lawmthu a sawi bawk a ni.

BNRGSK building hi `28,91,040/- senga sak a ni a.Mizoram State Rural Livelihood Mission hnuaia kal chhohpui tur, Mizopa chhiara chhawng hnih, a chung chu hall, ahnuai office tur, a len zawng hi 52 feet a sei leh avang 40 feet a ni. Hall hi a duh apiang tana hman hawh theih a ni dawn a, tui, electrict, sound system, chair 100 leh power backup generator dah vek a ni.

Inkhawm hi Pu Malsawmtluanga, BDO, Serchhipin a kaihruai a ni.

Building hawnna inkhawm neih zawhah hian Chief Minister chuan Serchhip Rural Block Development hnuaia Rural Housing Scheme aṭangin mi thlan bik te hnenah a hmingin (token) inchung tur rangva GCI Sheet a sem a. Chief Minister chuan kum 1990 chho vela rangva an sem khan  nasa taka mi sawisel an tawk tih sawiin, miretheite hnena inchung tur rangva sem chu Pathian lam ṭang programme a nih avangin kan thil tihah kan chiang a ni a ti a. Mamawh ang zelin sem chhoh zel a ni ang a ti. Serchhip bial chhunga rangva dawng tura thlanchhuahte hi an vaiin chhungkaw 70 an ni a, chhungkaw khatin bundle 4 zel an dawng dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram