Mizoram News

E&F Deptt. kuta awm turah ngai

Local Administration Minister Pu PC Lalthanliana chuan tunlaia mi ngaihven hlawh tak Tuichawng khaw per Sibi-nasora bawk-a chengte chungchang chu Environment and Forests department kuta awm tur nia a ngaih thu a sawi.

Zawhna chhangin Pu PC Lalthanliana chuan a hriat chinah chuan he khua hi Forest department lamin a tirah awm an phalsak a, mahse forest ram humhalh chhung a nih avangin tun hnu-ah an phal leh ta lova. Tunah hian District thuneitute leh tlawmngai pawl leh khawtlang hruaitute nen an endik nia a hriat thu a sawi a. Tlawmngai pawl lam hian LAD lamah chuan engmah an thlen awm a hriat loh thu a sawi. A ram neitu Forest department-in an phal tawh loh chuan dân kalha awm ni mai a a ngaih thu a sawi bawk a ni Hetihlai hian Tuichawng aṭanga km 4 vela hlaa awm, Tuichawng khaw per Sibinasora bawk-a chengte hi Tuichawnga let leh turin ruahmanna an siamfel mek nia thudawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram