Union Minister for Petroleum and Natural Gas Pu Veerapan Moily chuan tunlaia Mizorama eirawngbawlna gas connection pakhat aia tam nei nia rinhlelh avanga IOC thuneitute’n an block ṭhin chungchang chu a rang thei ang bera sut kian a nih tur thu a sawi.
Sawrkar thuchhuahin a tarlan danin Food, Civil Supplies and Consumer Affairs Minister Pu H.Rohluna chuan Zirtawpni khan Pu Veerapan Moily hi office ah a hmu a. Pu Rohluna hian tunlaia Gas connection pakhat aia tam (multiple connection) nei ni a an hriatte IOC lam thuneituten an block chungchang a harsatna, Mizoram Gas Distributor-te leh mipuiin an tawrh mek dan a sawipui a. Union Minister chuan he harsatna hi a rang thei ang bera sut kian a nih tur thu leh kar khat chhunga sutkian a nih loh chuan phone-a amah ngei hrilh leh turin Supply Minister hi a lo hrilh a. Minister hi Principal Secretary Pu LR Thanga’n a ṭawiawm a ni.