Mizoram Police Subordinate Officers Association (MPSOA) chuan tunhnaia sawrkarin Inspector of Police-te Group B Gazetted Status a dahna thupek chu sût leh turin sawrkar ngen an tum.
Mizoram Sawrkar-in Inspector of Police-te Group B Gazzetted Status a a dah chungchang-ah Mizoram Police Subordinate Officers Association (MPSOA) chuan Aizawl Police Station Conference Hall-ah Inrinni khan Special Extended Meeting an nei a. He inhmuhkhawmnaah hian Resolution siamin, Inspector of Police te Group B Gazzetted Status-a a hlankai tak avanga hamṭhatna pek belh awm si lova, tuna an dawn mek Ration Allowance leh Leave Compensatory Allowance paihsak tura tih an ni ta chu MPSOA chuan hriatthiam har an tih thu an sawi a ni. An dawn mek dawng zui tura an dilna vawihnih an thehluh tawh chu paihsak an nih thu an sawi bawk.
Sub-Inspector of Police te kai chhohna tur Inspector of Police hlawh a tlêm zawk dawn tak avangin Inspector of Police Post chu a hnuai ami te tan kaichhohna tlâk a ni dawn ta lo tih an sawi a, duhthlan tur dang an neih tak loh avangin Ration Allowance leh Leave Compensatory Allowance an lak zui zel theihna turin Inspector Of Police-te Gazetted Officer (Group-B) status dahna order chu sût leh tura Sawrkara thlen chu lungrual takin an passed a ni.