Zothlifim Logo
Loading ...

Lai Autonomous District Council a Executive Secretary Room misualin an rawknaah thawktute hlawh tur `47,95,000/- ruk bo a ni.

He thil thleng hi nimina Chawkider-in Room a hawnin hriatchhuah a ni a, Police hnenah report nghal a ni a, a hmunah Lawngtlai Police ten thilawmdan an enfiah nghal a, thil sual titu hi an chhui mek a ni.

Executive Secretary Room-ah hian Strong Room siam niin, hetah hian Locker lian tawk tak dah a ni a, hetah hian pawisa engemawzat dah a nih bakah, Locker chungah Thingrem pahnihah Pawisa dah a ni bawk a, Strong Room kawngkhar pawn zawk Thing kawngkhar chu a kalhna tihchhiat niin, Thing kawngkhar dawta Thir Kawngkhar (Iron bar) erawh tihchhiat a nilo thung a, Iron bar aṭang hian maupum pahnih khampheiin thingrem pakhat zawk chu pawttawlh pheiin pawisa hi an la ta niin Finanace lam enkawltute chuan an sawi.

He Strong room-ah hian pawisa a bolai hian cheng Nuai 190 bawr vel a awm niin an sawi a. Misual te hi Executive Secretary Room tukverh aṭanga lut nia hriat a ni a, LADC Executive Member te Motor dahna Garage chung aṭanga lawnlut a nih an ring. He thilthlengah hian LADC a Chief Executive member Pu C.Ngunlianchunga chuan Staff zinga he thil a inhnamhnawih an awm a nih chuan a na thei ang ber in an chungah hremna lek a ni ang a ti.