MLTP Act bawhchhia Kohhran-in phuar ṭhin

Aizawl District chhunga awm In 411 awmna Phullen khua-ah chuan an khaw chhunga NGO hrang hrang leh Kohhran hrang hrangte hriatpuina a din Joint Prohibition Committee (JPC) hmalakna in an khaw mi leh sa ‘MLTP Act’ bawhchhia leh ruihhlo dang zuar leh hmangsual an man YMA member te chu thla 3 chhung atan YMA member an nihna an hlih sak ṭhin a, Kohhran lam pawhin thla 6 chhung an phuar/Dân pawn-ah an hnawt chhuak ṭhin bawk.

Kum 1987, June 1 khan Phullen khua hi Zu leh ruihhlo dang awmlohna khua-ah an lo puang tawh a, nikum June 1 khan Dry Village Silver Jubillee lawmna pawh CM Lal Than hawla hovin an lo hmang tawh nghe nghe a ni.

Phullen khawtlang hruaitute sawi danin, an khua a Zu leh ruihtheih thil dang a awmloh na tur atana hmala tur Joint Prohibition Committee (JPC) hi kumtin June 1-ah hruaitu thar ten charged an la thar thin a, hemi hunah hian NGO hrang hrang aiawhte leh Kohhran aiawhte telin, lungrual takin hmalakna an kalpui thin a ni.

JPC hian Zu leh ruihhlo dang zuar leh hmang sual an mante chu YMA leh Kohhran lam an hriattir thin a, report an dawn angin Kohhran lam chuan an mi leh sate chu thla 6 chhung atan Dan pawn-ah an dah thin a, YMA lamin an member te chu thla 3 chhung atan YMA member an nihna an hlih sak thin bawk. Phullen ah hian Presbyterian, Baptist, Salvation Army leh UPC koh hran te an awm a, heng kohhran hrang hrangte hian JPC atanga report an dawn angin an memberte chung-ah thununna an lek thin niin Phullen atanga thudawn na chuan a sawi.

Hetianga inlungrual taka hmalakna an kalpui avang hian an khaw chhungah In luah a Zu zuar leh ruihhlo dang zuar an awmlo a, hetichung hian za a za (100%) chuan fihlim thei biklo in JCP hian kum khat-ah MLTP Act bawhchhia leh ruihhlo dang zuar leh rui hi mi 7 bawr vel man an nei thin ni a thudawn a ni a, tunah pawh hian tlangval pahnih phuar lai mek an nei a ni.

– Special Report @ facebook.com

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram