Inter-State Boundary-a awmten inkalpawhna ṭha duh

Vairengte NGO Coodination Committee te leh a khaw chhehvel pathum, Saihapui ‘V’, Phainuam leh Phaisen khawtlang hruaitute Ningani khan inhmukhawmin, Mizoram him zawk nan inter-state border-a awm khua te chuan inkalpawhna ṭha an mamawh thu thuneitu te hnenah thlen nise an ti.

He meeting hi NGO Coordination Committee Chairman Pu Lalrintluanga Renthlei in a kaihhruai a, Vairengte IOC veng leh Phaisen kawng cheiṭhatna tur atana District Development Fund Cheng nuai 20 kumin March ni 29-a order tihchhuah tawh, sawrkarin K Depost-a a dah avanga tun thlenga hman theih lohva la awm chu ṭha an tih loh thu leh he kawng siamṭhat hna hi thawh thuai a nih theih nana hmalak nise an ti a, Hei bakah hian Vairengte leh Phainuam inkar kawng PGMSY scheme hnuaia kum 2007 vel aṭanga thawh tawh tun thlenga hma lak chhunzawm a la nih loh thu sawiin, helai kawng hi siam zawh a nih theih nan Phainuam, Saihapui ‘V’ leh State veng te din Join Action Committee (JAC) te chuan hma lo la ṭhin tawh mahse, hmasawnna tak tak hmuh tur a la awm theih loh avangin Vairengte NGO Coordination Committee leh JAC te tangkawpin sorkar thuneitute kar leh se an ti bawk a ni.

Meeting chuan, Vairengte leh a chheh vel khua te chu Inter state Boundary a awm an nih avangin Mizoram a thil ṭhalo lut tur leh State pawn atanga rukru te kawngpui ber anih thu sawiin, inkalpawhna ṭha an neih loh avangin himna chungchangahnasa takin harsatna an tawk thin tih an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram