Thawhṭanni zing khan Sub-Hqrs. YMA Champhai te chuan Mualzen ah zu an vai a, zu fu n 80 bawr vel leh zu dahna thawl 12 an man bakah zu bilhlai pakhat an tichhia, hei bakah hian helaia chengte chu tunkar Zirtawpni hma a he hmun chhuahsan turin leh an In te lo ṭhiat turin an hriattir nghal a, an chhuahsanlo a nih chuan hei aia nasa zawka an chet tawh tur thu leh an tan pawha pawi zawka tur thu an hrilh nghal.
Thulakna tarlan danin helai hmuna hian In 6 awmin a ṭhente hi Burma mi an ni a, Sub-Hqrs. YMA chuan helai hmuna zu in avanga chhiatna thlen nasat tawh dan te sawiin, helai hmun hi ṭhiah vek an duh thu an sawi a. He hmun hi awmlo se chuan tun ai hian helai kawnga chhiatna hi a tam zawk chu pumpelh theih an rin thu an sawi bawk.