School khar tum chungchangah Department-in tih thei neilo tih sawi

Education Department chuan Lumpsum Grant in Aid School tia hriat sikul 26 te vawiin aṭanga khar a nih tur chungchangah tih theih an nei lo tih a sawi.

Nimin khan School Education Secretary Pu K.Lalnghinglova kaihhruaina hnuaiah Education department hotute chuan Aizawla thuthar thehdarhtu ṭhenkhat kâwmin, Lumpsum Grant in Aid School 78 zinga 26 ten sikul khâr an tum chungchangah pawi an tih thu leh zirtirtute pawh an khawngaih thu an sawi a, hetihlai hian sum awm loh avangin an din tirhah sawrkar thu a din a ni lo ang bawkin tih theih an nei lo tih an sawi a ni.

Sikul 26 khar chungchangah hian RTE dan anga naupang kum 14 hnuailam chin zirna ina kal ngei ngei tur an nih angin ruahmanna an siam tih an sawi a, zirlai te harsatna a thlen loh nan High School leh Higher lam pawh a theih chin chinah ruahmanna an siam tih an sawi ani. Sikul khar a nih chuan Midlle school 4 te tan a bul hnaia middle sikula lût turin ruahmanna an siam thu leh heng school te hi km 1 leh a chanve aia hla lo vek an ni an ti a, high school 13 tan a bul hnai high school km 5 aia hla lo a awmah luhtir theih a nih thu leh heng zinga ṭhenkhat erawh zirtirtu dah belh leh ruahmanna dang engemaw ṭul tih a ngai tih an sawi a, zirlai tana ruahmanna siamah Higher Secondary School 9 zingah Zawlnuam Higher Secondary School chu km 30 a hla Kawrthah Higher Secondary School-ah an kaltir thei a, a bak zawng School 8 a zirlai te kalna tur erawh an lu ti hai tu ala ni rih tih an sawi a, hemi chungchangah hian school khar a nih tak si-ah chuan a theih ang angin ruahmana siam mahse an kalna sikul pawhin ruahmanna an siampui chu an tih ve tho tur nia an ngaih thu an sawi bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram