MZP-in hma la turin sawrkar a ngen

MZP Executive Meeting nimina an pawl office-a neih chuan Lumpsum Aided School 26 ten Adhoc Aided Status dinhmun a dah an phut avanga tun thla ni 19 aṭanga tiamchin awm lo a School khar an tum avangin zirlaiten harsatna an tawh loh nana hmala turin sawrkar a ngen.

An thuchhuah tarlan danin, Mizoramah hian Lumpsum School 77 awm mekin chung zinga school 26 te chuan Adhoc Aided status-a hlankai an nih theih nan sawrkar an nawr mek a, sawrkar an nawrna tihhlawhtlin a nih loh chuan ni 19 aṭang khian School 26 khar an tum a, Heng School te hi khar a nih dawn chuan Middle School 4, High School 13 leh Higher Secondary School 9 a zirlai 1132 ten harsatna an tawk thei dawn a ni an ti.

Nimin meetingah hian zirlaite leh Mizo ṭhalaite tana a ṭul ang apianga adventure sports lama hma la thei turin MZP Adventure Club din a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram