Tuipuiral NGO te lungawilohna lantir chungchanga sawrkar thuchhuah

Mizoram News

Tuipuiral NGO ten sawrkar nawrna an neih subject zingah zirtirtu indaihlohna khua pariat (8) tarlang a ni a. Heng school pariat (8) a an dinhmun te hi mipui hriatah tarlan tulin hriat a ni a. Hetiang hi an dinhmun chu a ni:-

Khuangthing P/S II – zirlai 102 awmna ah hian zirtirtu Zodinpuii a awm mek a. Amah pui tur hian Lalthankima s/o B. Ramlinga, Special Trainer chu dah niin. May ni 20, 2013 khan a zawm tawh a. Ziritirtu lak thar tur atang hian pakhat (1) dang pek belh tura ruahman mek a ni. Zopui P/S tia tarlan hi EGS (SSA) school ang kha niin, school building pangngai pawh la nei hrih lo, zirlai 15 awm mekna a ni a. C. Lalthakimi, zirtirtu bakah Special Trainer 1 dah belh leh tum a ni.

Khankawn P/S – zirlai 30 awmna ah hian Lalrintluangi leh Rohminghlua an thawk mek a. K.M P/S, Khuangleng – zirlai 90 awmna ah zirtirtu 2 Lalbiaknungi leh Thankima an thawk mek a. Zirtirtu lak thar tur atangin pek belh tur a ruahman a ni. Vangchhia P/S – zirlai 125 awmna ah hian zirtirtu 2 Hrangaikhuma leh Sailiantawna te an thawk mek a. Special Trainer (SSA) atangin 1 dahbelh leh tur a ruahman mek a ni.

Vaphai P/S II – zirlai 62 awmna ah hian zirtirtu 2, Johnny Rengkhuma leh Lalramengi te an awm mek a, zirtirtu lak thar hun a peh belh tur a ruahman a ni bawk. Farkawn P/S II – zirlai 62 awm ni a sawi hi 52 zawk an ni a. Zirtirtu 3, Thangliankimi, Lalenkawli Sailo leh Lalzarzova te an thawk mek. Saikhumphai P/S chuan school building a neilo a. Zirlai hi 35 awm in UPS 5 kalpui a ni a. Primary section-ah zirtirtu Rothangliana a awm a., Middle section-ah zirtirtu 5 lai an awm bawk a. Hemi tangrual hian school an kal leh hunah pawh harsatna awm lova kal thei tur an ni.

Leave a Reply

This site uses Akismet to reduce spam. Learn how your comment data is processed.