Mizoram News

District thar ngiat nan ṭawngṭai rual tum

Khawzawl Kohhran hrang hrang te chu District thar ngiat nan June 9, 2013 ah an ṭawngṭai rual dawn.

Khawzawl District Imple-mentation Committee chuan Ministry hmasa in Khawzawl District alo puan tawh chu a nihna tur ang taka kalpui a nih ngei theihnan June ni 9 khian Khawzawl khaw chhunga Kohhran hrang hrang Biak In tinah District Function ngei a nih theihna turin ṭawngṭai rualna neih nise an ti a, hun remchang hmasa berah khawtlang huap a ṭawngṭai rualna neih leh nise an ti bawk.

Tunhnaia Khawzawl District Implementation Committee, an Chairman Pu H.Chal-khuma hova ṭhukhawm chuan ṭawngṭairualna neih mai bakah hian Chief Minister Pu Lal Thanhawla chu Bialtu MLA Pu Lalrinliana Sailo hovin hmuh nise an ti bawk.

Ministry hmasa in District thar a puan ve dang, Hnahthial leh Saitual te Joint Meeting neihpui nise tia an lo rel tawh chu heng khaw pahnihte hi an remchan theih loh avangin a theih anga mahnia hmalak chhoh zel nise an ti bawk a ni. Meeting-ah hian Khawzawl khawchhunga NGO hrang hrang hruaitute an tel kim hle tih thulakna chuan a tarlang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram