Tuivai Hydel Project khuah sawrkar laipuiin a pawm

Kawlphetha Mega Watt 210 pechhuak thei tur Tuivai Hydel Project khuap turin Central sawrkar-in nimin khan a pawm a, state sorkar ruahmanna hnuaia khuah tur a ni a, Contractor leh State Sawrkar sum intum ṭawma thawh tur a tih niin, State Sawrkar tum ve tur erawh hi Central Sawrkarin a pe dawn tih nimina sawrkar thuchhuah chuan a tarlang.

He project thawh dan tur hi- PPP Mode with Viability Gap Funding tia vuah a ni a, ramchhunga a vawi khatna tur a ni.

He Project hi State Sector Project a nih dawn avangin a Power siam chhuah zawng zawng hi Mizoram Sawrkar chan tur a ni ang a, State mamawh bakte chu State dangah hralh tur a ni dawn a ni.

He Project thawh dila tender chhangtute aṭangin Sawrkarina thawktu tur a thlang fel thuai ang a, kum 5 chhunga he project hi zo hman turin hmalak nghal a ni dawn tih a tarlang bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram