MNF-in sawrkar laka lungawilohna lantir an tum

MNF Action Plan Committee, an Chairman Pu R. Tlanghmingthanga kaihhruaia nimina ṭhukhawm chuan, Pu Lal Thanhawla kaihhruai Congress sawrkar laka lungawilohna lantir nan ‘Total Bandh’ huaihawt thlenga hmalakna kalpui ni se an ti.

Meeting chuan Congress sawrkar-in mipui mamawh a phuhru pha lo lutuk tih sawiin, Law & Order kenkawhna a awm lo a, a huai huai lalna ramah Mizoram an chantir mek a ni an ti a, Treasury khar ang tlukin sawrkar chu a vâk ṭawk ṭawk a ni, an ti.

Sawrkar laipui scheme hrang hrang hnuaia hnathawkte chu state sawrkarin matching share a pek theih loh avangin thla tam tak hlawh la lovin an awm tawh tih an sawi a, NREGS inhlawhna pawh hemi vang hian pek chhuah thei ni lo in an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram