Serchhip News

Zawlpui kawng siamṭhat avangin lâwm

Serchhip Mat phaia thlasik thlai chingtu Serchhip Agriculture & Horticulture Society te chu an thlai chinna hmun Mat phai Zawlpui panna kawng metal road-a ṭha taka siam a nih avangin sawrkar chungah an lawm.

Hemi chungchang hi nimin khan Lalpuithanga hall, Chhim Veng Serchhipa Assembly an neihah resolution siamin an pass a. He Assembly an President Pu PC Siamliana kaihhruaiah hian resolution an siamah- Agriculture leh Horticulture Deptt ten thlai chi man lova an pek thin chungchangah pawh an lawmthu hi an pass bawk a. Hetih rual hian thlai phurh chhuahna kawng hmun 3, Thinglubul, Vaivenga kai leh Taipuia kaiah te lei dawh theih nise an duh thu pawh an pass bawk.

SAHS Assembly ah hian member 60 chuang kalin, hruaitu an inthlang nghal a. Chairman ah Pu PC Siamliana, Vice Chairman ah Pu H.Dengchhawna, Treasurer ah Pu Thangvela, Secretary ah Pu Lalramhluna te thlangin, executive member-ah Pu C.Sawiluaia, Pu PC Lalawia, Pu RC Kawldingliana, Pu Lalramnghaka leh Pu Lalramthara te an thlang a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram