Lawngtlai leh Zocha-chhuah inkara Multi Modal Transit Transport Project kawng laih mek chu Ministry of Road Transport and Highway-a Additional Director General Pu SN. Das leh Chief Engineer Pu P. Haldar ten a hmunah an en.
He kawngpui laih hna thawktu RDS Company leh ARSS Infrastructurer Limited ten kawngpui an laihmek ah lei thawl lai a tam vanga leimin a tam tih Ministry of Road Transport & Highway lam an hriattir hnuah an ngen angin Additional Director General hian helai kawngpui hi a en a, Lawngtlai a panna kawng ah National Highway 54 zawhin kawng dinhmun a en nghal bawk.
Myanmar ram pawh tur a kawngpui laihmek hi tun dinhmunah Formation Cutting KM 58.92 zawh tawh niin, KM 19.2 a thui ah Lung phah chhuah tawh a ni a. Additional Director General hian Pa-thianni khan Lawngtlai khaw bula kawngpui laihmek te a tlawh a, nimin khan Lawngtlai aṭanga KM 50 a hla Ngengpui lui thleng in a kalleh a ni.
Pu SN Das hi Central Young Lai Association te chuan nimin tlai khan Tourist Lodge ah hmuin Lawngtlai Panna kawng leh khawpui chhung kawng te siamthat thuai a nihtheih nan hmalakna chak zawk a kalpui turin an ngen bak ah Multi Modal kawngpui laihmek pawh chaktaka thawh a nihtheih nan hma la turin an ngen a ni.