July ni 23 aṭangin Assembly Session nei dawn

Mizoram Legislative Assembly ṭhutkhawm vawi 14-na chu tun thla ni 23 aṭang khian neih a ni dawn.

Governor Pu Vakkom Purushothaman Assemblya kohna hi nimin khan Assembly Secretariat chuan tichhuakin, ni 23 zing dar 10:30-ah ṭan a nih tur thu a sawi a ni.

Assembly neih dan tur leh tih tur ṭul te chu Speaker Pu R.Romawia kaihhruai Business Advisory Committee in a la rel dawn a, session neih tur hi dan pangngaia fur ṭhutkhawm neih tur a ni a, session hnuhnungah khan Mizoram budget cheng vbc 2300 pharh a ni tawhnaah Mizoram Annual Plan atan cheng vbc 2500 pek a nih leh tak avangin Department hrang hrang sum mamawh dilna Supplementary Demand Two pharh a nih rin a ni.