Mizo-ten hlâwkpui em tih zir chiang dawn

Mizoram News

Central YMA CEC Meeting chuan Mizoram Venus Bamboo leh Mizoram Ispat Industries Company te chu Mizo ten an hlawkpui em tih zirchian nise a ti.

Nimina Aizawla CEC ṭhukhawm hian kumin inthlanpui atana Electoral Roll Revision neih leh mekah YMA Branch, Group leh Sub Hq te chu roll ah khua leh tui dik tak dah luta, a diklo te dapchhuah ngei an nih theih nan a hma aia chak leh zuala hmalak ni se an ti a, Rangvamual leh Phunchawnga ruihhlo hmunpui YMA in a sut darh avanga kawng kama ruihhlo ti awmkhawm an pung chu a hnawt darh turin sawrkar ngen nawn leh ni se an ti bawk.

Meeting chuan Laipuitlanga leimin avanga chhiattawk te ṭanpuina Branch YMA hrang hrang aṭanga an khawn khawm chu cheng nuai 97 chuang a ni tih sawiin, pawisa tlingkhawm hi tunkar Zirtawpni khian pek nise an ti a, mithi chhungte chu cheng nuai 4 pek ṭheuh nise a tih bakah in chhia leh thil dang chhia ah an chhiat tawh phu tawka sum te chu pek nise an ti bawk.

Leave a Reply

This site uses Akismet to reduce spam. Learn how your comment data is processed.