Kolasib leh Mamit-a Doctor sawn chhuah dah let ngiat

Kolasib District a Zirlai pawl pathum MZP, MSU, HZP Joint Meeting chuan Kolasib District Hospital a Doctor dah belh tura Sawrkar an ngenna a hlawhtlin loh avangin an lungawi lohna lantir nan nimin khan Kolasib Dstrict Hospital, Kolasib DC Office bakah Diakkawn Square-ah puanzar dum leh poster hrang hrang an tar.

Nimin khan heng Zirlai pawl pathum te hian Resolution Pass nghalin, Kolasib District Hospital a Doctor chhuhsak an ni chu an duh lo a, sut leh ni se an ti a, Kolasib District Hospital ah Doctor 4 dahbelh ni se, Kolasib District Hospital-a Trauma Centre chu anih dan tur ang takin Sawrkarin tiphuisui se tih te a tel a, an resolution chu thla thar ni 5 hmaa Sawrkar-in a tihhlawhtlin loh chuan hmalak zui an tum tih an sawi a ni.

Hetihlai hian, Mizoram sawrkarin Mamit District Hospital Doctor indaihloh laia, a thlaktu awm lovin an district-a doctor pakhat Lungleiah sawn a ni tih Mamit MZP Hqrs. chuan a sawi a, hei hi Mamit khawtlang mipuite chuan an hrethiam lo hle a, thla thar ni 14 ral hmaa Mamit District Hospital-a doctor 3 tal dah an nih loh chuan an lungawilohna lantir an tum tih an sawi a ni.

Tunah hian Mamit MZP chuan an distrct-a doctor hna chelh mek chu amah thlaktute lo thlen hma chuan Mamit chhuahsan lo turin an ti a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram