Zothlifim Logo
Loading ...

Ni 3 awh tur Mara Autonomous District Council Fur ṭhutkhawm chu nimin khan Saiha-a MADC Session Hall ah Dy Chairman Pu L.Pricilla kaihruaiin ṭan a ni a, tunhnaia thi, MDC Hlui Pu LC.Hlychho sunna hun hman a ni.

Zawhna chhangin CEM Pu RT.Zachono chuan Council hnathawk te hlawh tur atan RKVY sum puk rih a nih thu house a hrilh a, kumin June thla a MADC Staff hlawh atana an sum senral chu cheng nuai 549.71 a ni a, kumin February thla aṭanga tun thlenga sum indaihlohna tlingkhawm chu `339.21 a ni tih a sawi a ni.

Zawhna leh chhanna hunah hian LAD E.M.Pu K.Hrahmo chuan kum 2012-2013 chhung khan P.R.I. sum hmuh anih loh thu leh kum 2013-2014 chhungin 1st instalment leh 2nd instalment ah cheng nuai 112.7 chuang hret an hmuh thu a sawi a, Education changtu EM Pu N.Zakhai chuan zirlaibu chhutna atan Department-in sum mamawh khawp an neih loh thu leh leiba neia an kal thu a sawi bawk.

Session-ah hian Official bill pahnih ‘The Mara Autonomous District Council (General) Service Bill, 2013 leh The Mara Autonomous District Council (Town Committtee) (Amendment) Bill 2013 chu pharh a ni.

Tun ṭum MADC Session ah hian Independent MDC pahnih, Pu Mahlei leh Pu LC.Apaw te chuan Congress legislature Party an zawm avangin rorellai ṭhutnaah an ṭhu a ni.

Session hi vawiin chawhma dar 10:30am ah chhunzawm leh a ni ang.