Nizan dar 7 khan Congress thuneitu sang Congress Working Committee chuan Telangana mipui ten kum 50 chuang an lo ngiat tawh Andhra Pradesh atanga Telangana state thar siam an rem tih bakah Hyderabad khawpui chu kum 10 chhung atan Andhra Pradesh leh Telangana tan Joint Capital nise an ti.
Coastal Andhra leh Rayalaseema a chengte erawh chuan Andhra Pradesh ṭhendarh lo a pumkhat a awm an la duh fan thung a ni. Telangana area ah chuan CWC thutlukna lawm hian mipui ten kawng zawh leh halpuah te halin an phusa nasa hle a ni.
Hemi hma nimin khan Congress President Sonia Gandhi chuan an party senior leader thenkhat te nen meeting an neih zawh ah Prime Minister Manmohan Singh-a a chenna Inah a hmu a, hemi hmalam ni tlem kalta chhung khan Telengana chungchang ah hian N.Delhi ah politics a indawrna a kal nasa hle ani.