Tlabungah District Demand Committee huaihawtin Mizoram sawrkarin District Hqrs. a pek ngiat kawngzawh nimin khan Tlabungah neih a ni a, kawngzawhnaah hian mi 5000 vel an tel niin thulakna chuan a tarlang.
Mipui pungkhawm ten Resolution siamin Tlabung khua chu District Hqrs-ah Sawrkarin puang ngei se an ti a, UT a Mizoram a awm ṭantirh laia Sub-Division zawng zawng te District hqrs.-a puan tur a tih a nih laiin khatihlaia SDO ṭhuthmun zingah Tlabung chiah chu District hqrs-ah puan a la ni lo a, hei vang hian an lungawilo tih an sawi a. Buaina leh harsatna dang engmah thleng lova kawngzawh hi tihtawp a ni a, a khat tawkin thusawina hun te siam a ni a, Lunglei aṭangin Chhimbial Chhantu Chairman C.Lalsangliana hovin mi 3 leh NGO Co-Ordination Convener KT Chhawna te an kal a, Lunglei aiawha kal te hian Tlabungin District an ngiat chu an thlawp tih sawiin theihtawp chhuah zel tur leh a hlawhtlin hma loh chuan hma la zel tur in an fuih a ni.
Chhimbial chhantu te hi an kal lamah Lungsen NGO ṭhenkhat ten lo dan an tum ni awm a sawi a awm a, mahse engmah boruak danglam a awm lo tih Pu Lalsangliana chuan a sawi a ni.