Nimin zing dar 4 vel khan Excise, Anti Narcotics Squad duty te chuan Mualkhang leh Khamrang inkara an duty laiin Silchar aṭanga lo chho Truck AS-11/AC-7282 a chuang Lalthakimi (27) D/o Lalthlamuana, Zuangtui, Aizawl leh Lalnunhlimi (26) D/o Kapkhuma, Sesawng Field Veng inti te hnen aṭangin Parvon Spas mum 3922 chu an man sak a. Heng Parvon Spas te hi Bagha, Assam atanga Rs.14,700/- a an lei niin an sawi a, Aizawl-ah Rs.31,500/- a pek an tum a ni. Heng damdawi te hi an chawhmeh, Bawkbawn, Berul leh Changkha dahna ip chhunga an thuhruk a ni.
Lalnunhlimi phei hi chu tunhma a drugs case-ah Excise & Narcotics, Anti Narcotics te chuan an lo man tawh a. Tunah pawh thubuai NDPS Act hnuaia a nei mek a ni. Tun ṭumah hian an pahnih hian NDPS Act, 1985 hnuaiah thubuai siamsak an ni.