Mizoram Public Service Commission, MPSC chuan nimin khan Mizoram Civil Services (Combined Competitive) Preliminary Examination result a tichhuak a, mi 222 main exam hmachhawn tura thlan an ni.
Mizoram Civil Service post ruak 22 hnawhkhat turin, MPSC hian May ni 31 khan Prelim Exam a lo buatsaih tawh a, mi 2238-in an exam a, an zinga 222 chu Main exam hmachhawn tura thlan an ni a, Main exam hun tur erawh puan a la ni lo. Candidate zinga MPS thlang te erawh tun thla ni 23 leh 24 khian Physical Test nei tura hriattir an ni.
Serchhip aṭanga Preliminary Examination paltlang kan hriat theih te chu Lalnunfela Chawngthu, Field Road; Lalrinmawia, Chanmari Veng; CMS Dawngliana, New Serchhip; Albert Lalthansanga, DC Office; James Ronghaka, P&E Veng; K.Lalrinchhana, New Serchhip; Lalawmpuii Sailo, Bazarhnuai leh Lalremsanga Colney, Ramthlun Veng te an ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117