Aizawl khawpui chhung kawngpui siamṭha dawn

Sawrkar laipui programme Jawaharlal Nehru National Urban Renewal Mission (JnNURM) hnuaia project hrang hrang ruahmante ngaihtuahtu – State Level Steering Committee (SLSC) leh Rajiv Awas Yojana (RAY) hnuaia project ngaihtuahtu – State Level Sanctioning & Monitoring Committee (SLSMC) chu nimin khan Secretariat Conference Hall, New Secretariat Complex-ah UD&PA Minister Pu Zodintluanga hovin an ṭhu khawm.

UD&PA Minister Zodintluanga hova committee ṭhukhawm chuan JnNURM hnuaia sub-mission pakhat Urban Infrastructure & Governance (UIG) hnuaia project thawh kal mek te an thlir ho a. Project thara hma lak turin Aizawl khawpui chhunga veng hrang hranga kawng siamthatna tur Govt of india-a thawn thlak tur Improvement & Widening of Aizawl City Phase – II –Rs.6947.00 lakhs; Improvement & Widening of Aizawl City Phase – III –Rs.4465.34 lakhs man te chu a pawm bawk a. Hemi bakah hian JnNURM phase II programme lo chhuah huna lo inralrin lawk nan project thehluh tur hrang hrangte ngaihtuah ho a ni bawk.

Rajiv Awas Yojana (RAY) hnuaia khawpui chhunga miretheite in sak hna Zuangtui, Aizawl-a kalpui mek chu thlirin chak taka hma lak dan tur a ruahman bawk.

Mizoram hian JnNURM hnuaiah hian sub-mission chi hrang pali thawh mek a ni a, chungte chu: (i) Urban Infrastructure & Governance (UIG); (ii) Urban Infrastructure Scheme for Small and Medium Towns (UIDSSMT); (iii) Basic Services to Urban Poor (BSUP); leh (iv) Integrated Housing and Slum Development Programme (IHSDP). JNNURM hnuaiah hian India ram khawpui engemaw zat chu Mission City-ah thlan a ni a, chung zingah chuan Aizawl khawpui pawh a tel ve a ni. JnNURM hnuaiah hian project 18 kalpui mek niin a belhkhawm chu cheng nuai 17628.26 a ni. Heng project te hi march 31, 2014 chhunga thawh zawh hman tura tan lak a ni. RAY hi bul tan mek niin Zuangtui, Aizawl Pilot Project atan mi rethei in sak leh infrastructure hrang hrang atan cheng nuai 1120 kalpui ṭan mek a ni bawk.