Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Remna Ni Serchhip-ah hmang – Zothlifim
Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Zothlifim Logo
Loading ...

Nimin khan MNF East Block Serchhip buatsaih in Hmar Veng YMA Hall-ah MNF leh India sawrkar Inremna Ni puala hun hman a ni.

He hun hi Block President Pu C.Darbiak-thanga’n kaihruaiin, MNF Organiser, Agriculture Minister hlui Pu H.Rammawi leh Advocate Pu C.Lalramzauva ten an rawn hmanpui a ni.

He hun hman hma hian Pu H.Rammawi chuan Jamella Hotel, Serchhip Bazar-ah thuthar lakhawmtute a kawm a, Pu Rammawi chuan NLUP sum chu plan budget chhunga mi a nih thu te, MNF hun lai khan Civil Supply zawng zawng lei chungin mautâm laiin thla 6 chhung buhfai a thlâwna an sem thu leh tuna sum tam zawk hmu chunga sum lama harsatna a thleng si chu mak a tih thu te, a hunlaiin Zawlpui leilet siamzawl ṭhat hna an thawh thu te, Mat-ah lei dawh ṭha tura ruahmanna an siam tawh, tun sawrkarin a bawhzui loh thu te, Keiṭum leh Bungtlang ram aṭangin Mat panna kawng an sial thu te, Sailiamkawna Cold storage a hmuna en lova saktir mai a nih thu leh a ṭangkai tur anga a ṭangkai ta lo pawi a tih thu te, compensation buaipui nasa lutuka MNF puhna chu a dik lova a hriat thu leh Congress hruaitu hmasa te kha compensation buaipui nasa tak tak an nih thu leh an document pawh an vawn ṭhat thu te a sawi bawk