Aizawl aṭanga nitin chhuak chanchinbu pakhata-a thuchhuah, Mizoram State Sports Council in tunhnai kum 5 chhung (2008-2009 aṭanga 2012-13) a mi 212 hnena tender chhuah lova construction work hna an pek thu leh hna hlutzawng hi cheng nuai 2,023.39 a nih thu a ziah chungchang chhuichiang turin PRISM chuan nimin khan ACB-ah FIR a thehlut .
Heng hna pek ṭhenkhat hi a thawh a ṭha loa sawi a nih mai bakah estimate siam dan pawh enchian a ngai hle ni a sawi a ni a, Chanchinbu meuha hetiang thil diklo nia lang a lo chhuak hi chhuichiang a, Dan hmanga action lak a nih theih nana hma la turin ACB an ngen tih PRISM chuan a sawi.
He thu chungchang hi nimina MNF |halai Hqrs.Executive meeting nimina Aizawl-a neihah pawh sawiho a ni a, hna lian tak tak heti zat lai dan bawhchhiaa duhsak zawng te hnena pek a ni chu an ngaithiam lo tih an sawi a, a department enkawltu Sport Minister hriatpuina tel lova hna pek a awm an rin loh thu an sawi a ni.