India News

Vaccine diklo pek chhungchangah Health Worker 4 suspend

West Bengal-a naupang damdawi inpeksual vangin Health Worker 4 an hna a\anga chawlh lailawktir an ni.

Niminpiah khan West Bengal-a Hooghly district-ah naupang zeng hri danna ei turah Hepatitis B venna, inchiuna chi chu naupang eitir an ni a. Hemi avanga naupang luhai, luakchhuak leh thlantla 67 chu Hooghly district-a Aram Hagh damdawiinah dah luh anni.

Thulakna tarlan danin hri danna pek suak naupang hi 81 an ni a. Naupang 20 chuang chu damdawiin atang hian chhuahtir leh tawh an ni a. Naupang dang 60 vel damdawiinah hian enkawl mek an la ni thung a ni.  Naupang hri danna peksualtu Health Worker 4 chu suspend nghal an ni a, he thil hi chhui chiang turin thupek chhuah a nitawh bawk a ni. Naupang damlo enkawltu Doctor-te chuan naupangte dinhmun hi hlauhthawnawm a ni lova, reiloteah an tha chhuak leh thuai dawn niin an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram