Pu Tlanga man theihna thupek tichhuak

Minister hlui, Pu R.Tlanghmingthanga chu Assembly inthlanpui a chuh dawna Affidavit a thehluhah thudik lo tarlanga puh a nih avangin man theihna thupek Court-in nimin khan a tichhuak.

Pu R Tlanghmingthanga hian nikum December thla-a Assembly inthlanpui, Aizawl South-II bial aṭanga a chuh dawn khan Affidavit a thehluhah thubuai neilo angin a inziak a, thubuai neilai a ni tih hriatchhuah a nih hnuah nikum November thla khan Mizoram Chief Electoral Officer chuan Election Commission a hriattir zui a ni.

R TlanghmingthangaHemi chungchangah hian Aizawl South-II Returning Officer chuan Aizawl Police Station ah FIR thehlutin nikum December ni 14 khan thubuai ziahluh a ni a, thubuai chhuitu Case Investigation Officer dilna angin, Chief Judicial Magistrate chuan nimin khan Pu R Tlanghmingthanga man phalna, Warrant of Arrest hi a tichhuak a ni.

He thubuai chhuitu Aizawl South SDPO chuan warrant of arrest copy hi a la hmuh loh thu a sawi a, Pu R Tlanghmingthanga lakah hian IPC Section 177 na tlawhchhan leh Repres entation of Peoples Act 1951 Section 125 (a) leh 33 (a) te tlawhchhana thubuai ziahluh a nih thu a sawi a, he case-a man te chu bail theih an ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram