Sawrkar chuan kumthar lawm nana halpuah hal a chhun-zawm tawh dawn lova, intihhlim-na erawh buatsaih zel a tum.
Nimin tlai khan Home Minister Pu R.Lalzirliana hovin ama office chamber-ah Police, Home Department, DC, Fire & Emergency Services leh Central YMA hotute inhmukhawmin, sawrkar huaihawta kum 2013 krismas leh 2014 kumthar hman dan an thlirlet a. Meeting chuan heng hunpuia halpuah leh puak thei chi dang hal khapna chu kenkawh chhunzawm zel ṭha an ti a, sorkar buatsaiha halmawi hal chu chhunzawm tawh loh ni se tih leh concert chu neih chhunzawm ni se tih te a rel a ni.
Veng /kawtthler chei chungchang pawh sawihovin a thei apiangin mahni remchan leh phak tawk anga chei chhunzawm zelni se tiin an rel bawk a. Sawrkar department, kawngpui dunga office building nei te pawhin heng hunpuiah hian chei ṭhin tura ngen ni se an ti a, veng ṭhenkhat ten mi ṭhahnemngai te inphalna zara mawi tak taka an veng leh kawtthler an cheimawi ṭhin chu lawmawm tiin nimin meetingah hian sawrkar-in a hriatpuina leh lawmthu sawi nan heng vengte hnenah hian lawmpuina thilpek Home Minister hian a hlan nghal bawk a, lawmman latute hi Pakhatna : Ramhlun Veng, Pahnihna : Bungkawn YMA leh Pathumna : Chan-mari Branch KTP te an ni.