Election Commission thupek angin Aizawl Bawrh-sap, Dr. Franklin Laltinkhuma, Lok Sabha inthlana neih tur atana Returning Officer ni bawk chu Serchhip Bawrhsap ni turin sawn a ni a, Serchhip Bawrhsap Pi Juhi Mukherjee pawh Aizawl Bawrhsap turin sawn a ni. He mi rual hian Aizawl SP leh Serchhip SP te pawh an awmna inthleng tura sawn an ni. Hemi chung-changa Election Department hotute sawi danin, hemi chung-changa Election Commission thupek hi Ningani tlai khan Chief Secretary hriattir a ni a, Election Commission chuan a thupek tihpuitlinna report pe thuai turin Mizoram sawrkar a hrilh nghal bawk a ni. Aizawl Bawrhsap, Dr. Franklin Lalti-nkhuma, Lok Sabha inthlan-naa Returning Officer ni bawk leh Aizawl SP Pu LR Dingliana Sailo-te sawn an nihna chhan hi Election Commission kal-phung angin hetiang hna pawi-mawh chelhtu Officer-te an in leh lo neihna District-a an awm phal a nihloh vang a ni.
Mizoram News