Zothlifim Logo
Loading ...
Serchhip NewsSerchhip Chanchinthar

Inrinni chawhma dar 10:30 khan Serchhip District  Bawrhsap Pi Juhi Mukherjee IAS kaihhruaiin ama Office-ah Lok Sabha inthlanpui lo awm tur atan leh Hrangturzo Assembly bial Bye-Election atana inbuatsaih nan Serchhip District chhunga Sectoral Magistrate atana ruat te, Electronic Voting Machine (EVM) chung-changah training pek an ni.

He hunah hian Pi Juhi Mukherjee IAS, District Election Officer ni bawk chuan Sectoral Magistrate te chu Election Commission of India kutke pawimawh tak an nih avangin inthlanna hlawhtling tak neihna tura an pawimawhzia hre reng turin a fuih a, Election Model Code of Conduct leh inthlan kaihhnawiha dan awm hrang hrangte hre chiang turin a chah bawk a ni.

Sectoral Magistrate atana ruat te hian March 18, 2014 aṭangin an bial chhung ṭheuha Polling Station hrang hrangte an tlawh chhuak vek ang a, inthlanna atana inbuatsaihna hrang hrangte an endik ang. Serchhip District tan hian Sectoral Magistrate sawm (10) leh reserve pakhat (1) ruat an ni.