Pathianni zan khan Lawngtlai Vengpui mipuiten Lawngtlai Dist. Jail hualin an veng mi sawisatute hmuh an tum a, mipui 300 vel zet pungkhawmte hi an ṭin darh duh mai loh avangin magistrate thupekin van lam hawiin silai vawi 73 hmeh puah a nih hnuah an tin darh thei chauh a ni.
Thulakna tarlan danin, Kuttuar Lalṭanpuia nupui hian Inrinni zan khan District Hospital, Lawngtlaiah fanu an nei a, zan dar 11 velah damdawiin aṭanga an hawng lam chu Lawngtlai Bazar vengah hian amah khawihtute hian an Auto Rickshaw chu an lo tiding a, an han innial deuh chu Auto Rickshaw atanga pawt thla in an khawih ta mai a ni. Hetia an khawih hian Lalṭanpuia hi nikhawhrelovin a awm nghal a, mahse hemite pahnih hian chutia nikhawhrelova a awm chu an khawih chhunzawm zel a ni.
Lalṭanpuia khawihtu nia sawi te hi Lawngtlai Bazar veng mi pahnih Laltanpuia ve tho leh Lalfakzuala te an ni a, Kuttuar, Lalṭanpuia hi a Lu ruh a khi a, a thluak-ah thi a tling nia sawi a ni a, Lawngtlaiah tihngaihna a awmloh avangin Aizawl-ah reffered nghal a ni a, tunah hian ICU ah awmin a dinhmun hi a tha vak lo niawm tak a ni. he insawisakna avanga lungawilo hian Vengpui mipuite chuan Laltanpuia sawisatu mi pahnihte hi hmuh tumin District Jail- ah hian an pungkhawm ta a, jail gate kalhna nawr chhia in jail compound an lut a, mipui nawr kir nan hian Police lam hian vawi van lam hawiin silai vawi 70 chuang an hmetpuak hman hial ni a thuawn a ni. Hetiang boruak a nih avang hian Laltanpuia sawisatua puh mi pahnihte hi an sa him zawk nan Thawhṭanni zing lam dar 2:30 khan Lunglei Dist, Jail lama dah turin Lunglei pan pui an ni.