PRISM-in Lokayukta Bill ṭhalo ti

PRISM chuan Lokayukta dinna tur atana duan ‘The Mizoram Lokayukta Bill, 2014’ chu ṭhalo an tih thu sawiin, Bill chhunga thu ṭhenkhat paih duh leh la awm lo dahluh an duh thu an sawi.

PRISM chuan The Mizoram Lokayukta Bill, 2014 ang hi chuan Lokayukta kan neih turah hian Chairman leh Member-ah ruling party mi duhzawng dah an ni ang a, High Court ang maia lal, lian leh sum tam lutuk sen ngai a nih laiin ama hnena complaint thehlut duh an awm dawn lo a. Ama thua engmah a chhui theih dawn loh avang leh complaint thehlut duh an awm dawn loh avangin hna a nei dawn lo a. Kum 5 hmalama thil thleng leh corruption case te, chhui lai leh chhui tura complaint thehluh tawh pakhatmah Lokayukta hian a chhui theih dawn loh avangin mipuiin kan ngaihven eirukna te chu nawhreh ang hmiah a ni dawn a. Hetiang sum heh em em tur, ṭangkaina nei miah lo tur Lokayukta hi Prism chuan kan duh lo a ni, an ti.

Ram tana a ṭhat zawknan, tuna hnathawk thei lo tura phuarbettu zawng zawng hi Dan duan lai aṭanga paih vek an duh tih an sawi a, chumai bakah Anti Corruption Bureau a hnuaia dah te, CBI hmang thei tura thuneihna pek te, corruption thubuai leh FIR ang chi awm lai te khawih thei tura tih te, eiru te hrem tura thuneihna pek te, langtlang taka hna thawk tura tih te, Lokayukta Bill pass ruala CBI te general consent pek an duh tih an sawi

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram