Nimin chawhnu dar 2 khan 28-Hrangturzo bial By-Election atana chuh tum Nl. Lalawmpuii Chawngthu INC leh Pu H.Lalduhawma UDF-te nomination paper chu he Assembly bial Returning Officer leh Serchhip District Bawrhsap ni bawk Dr. Franklin Laltinkhuma’n candidate agent-te hriatpuiin a endik a, thil dik lo leh fel lo te awma a lan loh avangin heng mite hi official candidate atan a pawm a ni.
Heng candidate-te inhnuhdawh leh theih hun hnuhnung ber chu March 26, 2014 hi a ni a, inhnuk dawk an awm loh chuan hemi ni hian UDF Candidate Pu H. Lalduhawma tan hian official Symbol siamsak nghal a ni ang.
Nimin vek khan MP Candidate te Nomination Paper pawh endik niin, hnawl an sawm lova, hetihlai hian scrutiny neih zawhah Independent-a ding Pu Vanlalngaia Kulikawn erawh a inhnukdawk leh nghal a ni.