Zothlifim Logo
Loading ...

Chief Secretary Pi L.Tochhong chuan mau sawngbawl chungchang Mizoram Bamboo policy-ah tualchhung mi duhsak ber an ni a, a bak chu sawrkar sumah chantir a ni chauh ang, a ti.

Nimina ‘Mizoram bamboo day’ vawi 3-na Aizawla lawmnaah he thu hi sawiin, Chief secretary chuan, NLUP hnuaiah chhungkaw 2600 in ram hectare 5200 a zauah mau an ching tih sawiin, hectare 2 bialah chauh pawh mau aṭang hian cheng nuai 1 leh sing 5 lakluh theih ni a. Mau hi kum 6 hnuah a seng theih a, enkawl zui ngai miah lovin kum 40 chhung a thar theih niin a sawi bawk.

Bamboo Day pual hian intihsiakna hrang hrang siam niin, nimin inkhawmah hian a tithate hnenah Chief Secretary hian lawmman a hlan nghal a. Mau hmanga eizawngtu leh Mau humhalh ṭha YMA Branch-te hnenah leh, he ni puala LPS nena tangkawpa Inter College Extempore Speech Competition buatsaih a tithate hnenah chawimawina leh pawisafai hlan a ni.