Director, School Education Department chuan HSLC Examination 2014 chung-changah zirlai nu leh pa te tumah lochiailoturina ngen.
An thuchhuahah chuan kum 2014 HSLC Examination tikhaihlak zawnga Mizoram Secondary School Teachers Association (MISSTA) in hma ala chu pawi an tih thu an sawi a, hemi avang hian nimina answer paper endik tura ruahman pawh a nih tur angin a kal thei lo tih sawiin, HSLC Exam mek zirlai naupangte an kal zelna tur (an career) atana exam pawimawh tak an neih laia hetianga thil lo thleng hi pawi an tih thu sawiin,harsatna pumpelhna turin Department chuan hma ala nghal a ni, a ti.
Examination atana duty tura ruat, duty lo hi Section 8 & 9 Prevention of Malpractices at Examination Act 1990 leh Mizo-ram Board of School Education (Management of Examination) Regulation 1991 para 37 bawhchhiatna a ni a. Hemi dan hmang hian Department in a ṭul angin hma ala thei a ni, tih an thuchhuahah chuan an sawi bawk.