Mizoram News

CYMA-in Bank leh Financial Institution aiawh te an kâwm

Central YMA chuan Mizorama Bank leh Financial Institution (FI) te chu ṭangkai zawka mipui ten an hman theih nan nimin khan Central YMA Committee Room-ah an kawm a, hetah hian Bank 22 aṭangin Bank 18 aiawh leh Financial Institution aiawh mi 2 te an kalkhawm a ni.

Central YMA chuan, Mizoramah state dangte angin Investor lian an awm ve loh avangin, Bank leh Financial Institution te chu mipui innghah-na ber an ni tih sawiin, an hnathawh-na kawngah ṭhahnemngai leh zual turin a ngen a. Tun dinhmun-ah Bank-a sum dah luh Loan-a pekchhuah zat inbuk tawka tura Sawrkar-in a bithliah aiin loan pekchhuah a hniam avangin, hemi lamah hian hma la chak leh zual turin an ngen bawk a ni. Sawrkar-in sum a dah tamna Bank ni si Loan pe chhuak ṭha leh duh lo awm ṭhin chu ṭha lo an tih thute an sawi bawk.

Kalkhawmte chuan inrem-na siamin, Bank Loan pe chhuak ṭha duh lote te chu sawrkar-in sum dah tawh lovin, Loan pe chhuak hnem Bank-te hnenah chauh sawrkar sum dah a nih theih nan hmalak nise an ti a, Mipui te tan dawr nuam tura Bank te insiam ṭha tura hmalak nise an tih bakah Bank ten mipui van-tlang rawngbawlna atan Corporate Social Responsibility Scheme an neih chu zau zawka hman nise, |halai mahni kut leh ke a ding turte ṭ tan leh Bank-in a scheme hrang hrang an neihte nasa leh zuala tlangzarha tihhlawhtlin nise,an ti bawk a ni.

Nmina inhmuhkhawmnaah hian a chhan hriat lohin United Bank of India, IDBI, Federal Bank leh Bank of India te an tel lova, a ṭul anga an ni bik hi la enzui leh nise, an ti a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram